· 

عطيه


مرحبا


الوضع بلبنان كتير كتير تعبان. عم نمرؤ بأبشع مرحلي من 100 سِني. من ورا انفجار الـport ومن ورا كورونا ومن ورا الازمي الماليي الكبيري، زادو الناس لي بلا شِغل يعني زادو الناس لمش إدراني تأمّن اكلا وشربا ولا تجيب الدَوا، هيدا إزا في منّو بالصيدليّي! والناس لي بالاساس ظروفا على أدّا او عندن احتياجات خاصّا، وضعُن تكركَب زيادي بهل المرحلي. كرمال هيك، نحنا بِـ مبادرة "عطيه" بلشنا حملة "ممنوع شعبنا يجوع وينحرم الدوا" كرمال نساعد العِيال لعم تمرُء بظروف بشعا، كرمال يأطعو هالمرحلي ع خير. لِ حابب يتبرع لو ب1000 ليرا، يحكينا على هالرئم 70519248 او من برّات لبنان عهل الرئم 0096170519248 او يحكينا عصفحتنا https://www.facebook.com/Attieh.GivingMatters/


يلّي بحاجي لمساعدي، كمان يبعتلنا ويحكينا عصفحتنا. متنمنّا عالكل يعملو "شير" للحَملي وهيدا كمان تبرّع بحد زاتو. كل ما نوزّع مساعدات، رح نحط تحديثات وصور هون عالصفحا. "اهم ميزي بهل الحياة هي العطاء. ومن هون إجت التسميي للمبادَرا تبعنا. كل واحد فينا بيئدر يئَدّم "عطيه" لأخ او لإخت الو بالإنسانية. بالعطاء منعمل فرء كبير"... ملاحظا : نحنا منعرف عربي. بس هيدا مش عربي. هيدا كنعاني-لبناني بس عم نستعمل حرف عربي. وبالكنعاني-اللبناني منكتُب متل ما منحكي. مجتمع