رح اكتبهم بالعامية لأنهم أقرب للقلب

زاوية العربي المستقل محمد علي صعب

من سنين وسنين عبد الرحمن شبارو عم يعاني من الفقر والتعب وبقي يشتغل بتدريب حراس المرمى لآخر يوم بعمره المهم ما يعتاز حدا. عبد الرحمن شبارو يلي كان مطلوب من أعظم الأندية العالمية، يقينا ومش مبالغة انطلب من أكثر من نادي عالمي، كثير ناس، إيه ناس وقفوا ضد احترافه بالخارج. عبد الرحمن شبارو يلي انعرض عليه كذا جنسية ومنهم أوروبية وما كان ياخذهم لأنه متمسك بجنسيته ووطنيته ويا ليت طلعله شي من وطنه أو أبناء وطنه، هيدا اذا بيعرفوا مين هو (عبد شبارو) عبد الرحمن شبارو رحل اليوم وهلق رح يزيدوا محبينه لأنهم اتطمنوا ما عاد يكلفهم فلوس. وسيعلم الذين ظلموا اي منقلب ينقلبون