في عين سهرانة ما بتنام

بظل الإنهيار الإقتصادي في عين سهرانة ما بتنام ،توأم جديد لجمعية سعادة السماء بفضل الرب والأيادي البيضاء يللي بعدها عم تسكب رحمة وحب ، الأيادي البيضاء يللي عم تغرف من كرم الرب وتسكبها خمرة على العطشانين للرحمة والحب وبفضلها افتتحت جمعية سعادة السماء، مؤسسها الأب مجدي العلاوي بمباركة وحضور رئيس رابطة كاريتاس الأب ميشال عبود مطعم وحديقة بمنطقة برج حمود لإستقبال أسيادنا الفقراء المهمشين ،المنسيين من قبل الدولة الواقعة بغيبوبة تامة على أمل توعى قريبا وتحضن ابنائها

الشكر لرئيس البلدية السيد مارديك بوغوصيان ولأعضائها على تقديم قطعة الارض يللي صارت حديقة لإستقبال اهلنا يوميا من الصبح للمساء مع أطفالن. الشكر للسيد غارو جابوتيان يللي قدم المطعم لخدمة أهلنا وللمهندس كابريال ضو يللي صمم ولكل مين ساهم بلبنان وخارجه بتنفيد هالمشروعين والرب يكافي الجميع. الشكر لصالون "وسام سارجي" يللي اهتم بقص وتسريحة شعر اهلنا بقلب الحديقة. الشكر لمطعم "خروف" بيروت يللي قدم خروف بالحديقة وللرب على عنايته الدايمة هوي يللي قلنا  "اُنْظُرُوا إِلَى طُيُورِ السَّمَاءِ: إِنَّهَا لاَ تَزْرَعُ وَلاَ تَحْصُدُ وَلاَ تَجْمَعُ إِلَى مَخَازِنَ، وَأَبُوكُمُ السَّمَاوِيُّ يَقُوتُهَا. أَلَسْتُمْ أَنْتُمْ بِالْحَرِيِّ أَفْضَلَ مِنْهَا؟" (مت 6: 26). يارب نحنا منوثق فيك لأنك بيينا وما بتتخلى عنا منترجاك إبنك لبنان عم يحتضر بكلمة منك بينهض من جديد وبلمسة منك بترد الكرامة لأبناء هالوطن الجريح. خادم جمعية سعادة السماء الأب مجدي العلاوي